3. L - Þetta vilja börnin sjá.

Í síðustu viku fór 3. L  í boði Gerðubergs með rútu og sáu sýninguna Þetta vilja börnin sjá sem er bæði skemmtileg og áhugaverð.  Á sýningunni má sjá myndskreytingar úr íslenskum barnabókum en 28 myndskreytar taka þátt í sýningunni og voru börnin frædd um myndskreytingar í leiðinni. Myndirnar á sýningunni sýna vel þá fjölbreytni sem er að finna í íslenskri barnabókaútgáfu.

Bókasafnið var einnig heimsótt og spreyttu börnin sig þar í spurningakeppni (Kahoot) um þekktar sögupersónur.  Einnig reyndu þau sig í nýsköpun með hjálp tækninnar og mátti sjá vinnu við ýmsar frumlegar hugmyndir fara af stað.  Nemendur í 3. L kunnu vel að meta þetta framtak á vegum Menningarmiðstöðvarinnar.

Fleiri myndir úr ferðinni má sjá í myndasafni L- bekkjar efst á heimasíðu Húsaskóla. 

Menntastefna Reykjavíkur

Þeir Pasi Sahlberg og Andy Hagreaves eru staddir í Reykjavík þar sem verið er að móta framtíðarmenntastefnu Reykjavíkur. Skólastjórnendur sátu fyrirlestur í gær og í morgun fóru þeir ásamt Ástu í  7. I og sátu vinnusmiðju í Hörpu. 

Þeir félagar ferðast um allan heim og hafa unnið með skólafólki víða og deildu reynslu sinni. 

Í umræðum í morgun vorum við sammála að samvinna skiptir máli og að kennarar geti lært af nemendum eins og nemendur af kennurum.  Íslendingar fengu líka smá skammir fyrir að gleyma stundum hvað vel er gert. Hér erum við einstök til dæmis hvað jafnræði nemenda varðar og ætti það að vera okkur kappsmál þegar við viljum bæta menntun, að passa að það verði ekki á kostnað jafnræðis og alls ekki á kostnað list-, og verkgreina eða sköpunar.   

   

 

Við erum stöndum í miðri tæknibyltingu og því er mjög áhugavert að hugsa um og ímynda sér hvernig vinnuumhverfi Ástu og hennar jafnaldra verður í framtíðinni.

 

Á meðan við sátum málstofuna var 1. N að stíga sín fyrstu skref í forritun undir stjórn Jóhönnu Þorkelsdóttur. Við hlökkum til að vinna eftir nýrri Menntastefnu Reykjavíkurborgar. Yfir 5000 mannst hafa komið að mótun hennar og verður spennandi að vinna eftir nýrri stefnu í Húsaskóla. 

 

Fleiri greinar...

LOGO SkólahljómsvGrafarv

6h