Það er gaman að finna áhuga nemenda á að fegra umhverfið sitt sjá þegar allir leggjast á eitt til að hrinda framkvæmdum í gang. Húsaskóli ákvað að nýta rekstrarafgang síðustu ára og fjárfesti í nýjum sófum á bókasafn og hornið uppi á annarri hæð. Einnig keyptum við Cromebækur til að nota í námi og kennslu.  Nemendur í 7. I tóku upp fyrri skammt Cromebóka og settu saman sófaborð og sófa og má sjá fleiri myndir í myndaalbúmi þeirra hér á síðu Húsaskóla.

5. A tók sig einnig til og aðstoðaði við að merkja og setja upp síðari skammt chromebóka. Kennarar og nemendur þróa nú nýja nálgun í námi og kennslu og nota m.a. google lausnir. 

Það virðist ríkja almenn sátt með afrakstur rekstrarafgangs.