Stjórn foreldrafélagsins

Foreldrafélag Húsaskóla

Almennar upplýsingar

Foreldrafélag er félag foreldra sem vinnur að ýmsum málum tengdum skólanum og nemendum hans. Í félaginu eru allir foreldrar sem eiga börn í viðkomandi skóla. Ekki þarf að sækja sérstaklega um að vera meðlimur.

Foreldrafélagið er rekið af stjórn sem er mynduð af foreldrum sem eru kosnir í stjórn yfirleitt á aðalfundi félagsins ár hvert. Allir foreldrar í skólanum hafa kosningarétt.

Á aðalfundi félagsins er ákvörðun um verkefnasjóðsgjald tekin ár hvert og sjóðurinn er notaður til að kaupa inn fyrirlestra fyrir foreldra, vorhátíð, útgáfu símaskrár og fleira.

Foreldrafélög eru lögbundin og er skólastjóri ábyrgur fyrir stofnun þess og sér til þess að félagið fái aðstoð eftir þörfum. Lögin má skoða hér: Lög um grunnskóla nr. 91/2008.

Hlutverk foreldrafélags er að styðja við skólastarfið, stuðla að velferð nemenda og efla tengsl heimilis og skóla.

Foreldrafélagið á tvo fulltrúa í skólaráði.

Bekkjarfulltrúar eru fulltrúar foreldrafélagsins inn í hverjum bekk eða árgangi.

Lög Foreldrafélags Húsaskóla (pdf skjal)

Handbók foreldrafélaga grunnskóla

Heimili og skóli hafa gefið út handbækur fyrir fulltrúa foreldra á öllum skólastigum. Í þeim er lýst starfi foreldrafélaga og foreldra- og skólaráða. Hér getur þú nálgast sem pdf skjal. Handbók foreldrafélaga grunnskóla.

Handbók um skólaráð

Foreldrar hafa fulltrúa í Skólaráði Húsaskóla. Sem skólaráðsfulltrúi getur þú haft áhrif á skólahaldið og velferð nemenda og þar með stuðlað að því að allir nemendur njóti eins góðrar skólagöngu og unnt er í samræmi við ákvæði grunnskólalaga og aðalnámskrá grunnskóla. Útgefin hefur verið handbók þar sem nánar er skýrt frá því hvert hlutverk skólaráðs er og bent á hagnýtar leiðir sem skólaráðið getur haft til hliðsjónar í störfum sínum. Hér er hægt að nálgast handbókina.